Við héldum upp á Þorrann í dag með Þorrablóti í salnum. Hlaðborðið svignaði undan alls kyns góðmeti og fannst börnunum mjög áhugavert og gaman að fá að smakka sviðasultu, hákarl, harðfisk, rúgbrauð, flatkökur m/hangikjöti og súrmeti. Einnig var boðið uppá slátur, kartöflur og rófustöppu.  Margir mættu í lopapeysunum sínum og Lilja K var þjóðlega klædd. Sjáið einnig myndir á myndasíðunni.

Börnin á Reynistofu fræddust um skákina í dag af tilefni Skákdagsins 2012.   Sumir tefldu og voru frekar hugsi  aðrir tefldu saman og  Ragnheiður Þóra tók eina skák við börnin í upphafi dags.    Svo bjuggu þau til tafl og taflmenn og lærðu heiti þeirra og sumir  jafnvel mannganginn.

Það var kátt á hjalla í Sólborg þegar myndatöku fólkið kom til að taka upp efni fyrir Stundina okkar en þar fjallar Engilráð um margbreytileikann í samfélaginu og hvernig allir geta verið með. Nokkur börn sýndu hvernig bananabrauð verður til frá uppskrift til síðdegishressingar. Svo kom myndatöku fólkið í söngstund, þar var bæði sungið og dansað. Þættirnir verða á dagskrá seinni partinn í febrúar.