Í júní mánuði ætlum við að bjóða upp á sérstakt sumarstarf fyrir elstu börn Sólborgar (fædd 2004). Ætlunin er að bjóða börnunum upp á vettvangsferðir fyrir hádegi. Unnið er úr ferðum vikunnar í máli og myndum í svokallaða Ferðadagbók. Sögumaður dagsins segir þar frá því sem honum fannst áhugaverðast í ferð dagsins. 

Hér má sjá dagskrá sumarstarfsins í myndum.

Sumarhátíðin heppnaðist mjög vel. Með samstilltu átaki stjórnar foreldrafélagsins og starfsfólks Sólborgar var boðið uppá fjölbreytta skemmtun fyrir börnin og ljúffengar vöfflur sem bakaðar voru á staðnum fyrir alla . Hestarnir vöktu gleði og þá þótti börnunum skemmtilegt að heyra ýmsan fróðleik um hesta og hestahirðu, sem fram fór í sal , áður en þau fóru á bak.   Við þökkum öllum kærlega fyrir komuna og þátttökuna í gleðinni og Foreldrafélagi Sólborgar fyrir stuðninginn.

Söng- og dansstund  var haldin utandyra í góða veðrinu í dag, starfsmenn stjórnuðu af miklum móð og börnin skemmtu sér hið besta eins og sjá má.  Við minnum á Sumarhátið Foreldrafélagsins sem haldin verður í  samstarfi við starfsfólk þriðjudaginn 15. júní, frá 14-16 hestar, hoppukastali, þrautabraut og fleira.  Foreldrum er boðið að koma og vera með frá kl. 15:00, auk þess verður boðið verður uppá vöfflur sem bakaðar verða í tjaldi  á útisvæðinu.