Á hverju hausti fá einhver börn í leikskólanum nýja heimastofu.  Flest börnin sem verið hafa á Lerkistofu fara á  Birkistofu, en þar voru elstu börnin okkar síðastliðinn vetur.  Hér sjáið þið  fyrri hópinn af Lerkistofu, tilbúin með myndina af hólfinu sínu  sem þau setja með viðhöfn á nýja hólfið sitt.  Þessar tilfærslur ganga vel og allir sáttir og spenntir fyrir nýju umhverfi og fólki.    

Starfsáætlun vetrarins er komin á síðuna og má finna hana hægra megin undir Leikskólinn. Þar má einnig finna viðhorfskannanir og fleira fróðlegt. Starfsáætlunni fylgir dagatal með starfsdögum/skipulagsdögum vetrarins . Fyrsti skipulagsdagur er 27. ágúst en þá er lokað í Sólborg.  

Lokað verður í leikskólanum Sólborg frá og með deginum í dag til 3. ágúst.  Hafið það gott í sumarorlofinu,  sjáumst hress í ágúst.  Kveðja, allir í Sólborg 

Þriðjudaginn 22. júní kom Orri Páll fulltrúi Landverndar til okkar í úttekt vegna verkefnisins Skólar á grænni grein. Markmið okkar var að ná skrefunum sjö og flagga Grænfánanum.  Þátttaka í verkefninu gengur út á að skilgreina sjö megináhersluatriði, stundum kölluð skrefin sjö að Grænfánanum og vinna með þau. Þegar þau hafa verið stigin mun Leikskólinn vinna til alþjóðlegrar viðurkenningar, Grænfánans, sem staðfestingu á góðum ásetningi og virku umhverfisverndarstarfi.
Það hefur nú tekist og fáum við Grænfánann afhentan og flöggum honum með viðhöfn í haust.

Til hamingju öllsömul með þennan merkisáfanga. Skýrslu umhverfismenntar má lesa hér.