Ágætu foreldrar á Víðistofu!

Nú eru flestir mættir til leiks að loknu sumarfríi.  Börnunum hefur fjölgað á stofunni okkar, 9 börn frá Birkistofu skiptu um stofu og gerðust Víðistofubörn.        Tvær stúlkur frá okkur fluttu sig líka um set og fóru á Furustofu.  Í haust verða öll elstu börnin á Víðistofu og verða 24 talsins!

Í dag var okkur boðið að koma á sumarhátíð hjá nágrönnum okkar, börnum og starfsfólki í frístundaheimili Öskjuhlíðarskóla.  Þar fengum við veitingar og hlustuðum á tónlist, auk þess að prófa ýmis leiktæki -mjög skemmtilegt! 

Bestu kveðjur frá Víðistofukennurum!

Á hverju hausti fá einhver börn í leikskólanum nýja heimastofu.  Flest börnin sem verið hafa á Lerkistofu fara á  Birkistofu, en þar voru elstu börnin okkar síðastliðinn vetur.  Hér sjáið þið  fyrri hópinn af Lerkistofu, tilbúin með myndina af hólfinu sínu  sem þau setja með viðhöfn á nýja hólfið sitt.  Þessar tilfærslur ganga vel og allir sáttir og spenntir fyrir nýju umhverfi og fólki.    

Starfsáætlun vetrarins er komin á síðuna og má finna hana hægra megin undir Leikskólinn. Þar má einnig finna viðhorfskannanir og fleira fróðlegt. Starfsáætlunni fylgir dagatal með starfsdögum/skipulagsdögum vetrarins . Fyrsti skipulagsdagur er 27. ágúst en þá er lokað í Sólborg.  

Lokað verður í leikskólanum Sólborg frá og með deginum í dag til 3. ágúst.  Hafið það gott í sumarorlofinu,  sjáumst hress í ágúst.  Kveðja, allir í Sólborg