Nýjustu fréttir

Við óskum ykkkur hjartanlega til hamingju með dag íslenska táknmálsins 11. febrúar! Við hvetjum ykkur til að kynna ykkur íslenskt táknmál t.d. með því að skoða síðuna SignWiki og hér má einnig finna skemmtilegan fróðleik í tilefni dagsins ásamt viðburðum: Dagur íslenska táknmálsins.

Starfsfólk og börn Sólborgar komu saman í salnum í morgun þar sem listaverk eftir börnin var afhjúpað og sungið saman á táknmáli.

Nýjasta tölublað Ritsins, tímarits Hugvísindastofnunar Háskóla Íslands, er tileinkað íslensku táknmáli, ÍTM. 

Hér er frétt um útgáfuna og neðarlega í fréttinni segja ritstjórarnir Rannveig Sverrisdóttir og Valgerður Stefánsdóttir frá efni Ritsins, á ÍTM og íslensku: https://www.hi.is/frettir/islenskt_taknmal_i_ritinu

Heftið er í opnum aðgangi og eingöngu rafrænt og má þar finna fræðigreinar um táknmál en einnig er kafli um menningu og listir í döff samfélagi á Íslandi.   

Smellið hér til að skoða Ritið á rafrænu formi. Við hvetjum ykkur til að skoða!

Jólahefðin í Sólborg er að vera með jólabíó og allar deildir horfa saman á myndina 

"The Snowman" eða Snjókarlinn. Það var mikill ánægja og börnin skemmtu sér vel. 

Samskiptamiðstöð heyrnarlausra og heyrnarskerta sendi frá sér skemmtilegt 

jólalag og læt það fylgja með.  

Jólalag frá SHH

„Táknmálið sameinar okkur“

Alþjóðadagur táknmála verður núna á föstudaginn 23.september 2022. Talið er að um 200 mismunandi táknmál séu í heiminum. Að því tilefni hvetja alheimssamtök heyrnarlausra, WFD, alla að fagna með því að varpa bláu ljósi á helstu kennileiti og byggingar til stuðnings baráttu fyrir táknmálinu. Blái liturinn hefur verið notaður af Alheimssamtökunum frá stofnun þeirra, eða frá árinu 1951 og er liturinn tákn fyrir baráttu jafnréttis í samfélaginu. Hér á Íslandi er íslenska táknmálið eina hefðbundna minnihlutamálið og því hvetjum við þig og ykkur að sýna íslenska táknmálinu stuðning og mæta í einhverju bláu á föstudaginn 😊

Hér eru ýmsir áhugaverðir tenglar varðandi táknmál á Íslandi: 

Signwiki - táknmálsorðabók og ýmis fróðleikur 

Félag heyrnarlausra 

Samskiptamiðstöð heyrnarlausra og heyrnarskertra

Í dag fengu börnin pylsur í hádegismat hjá Vanessu pylsusala :)