Hagnýtar upplýsingar

Velkomin í leikskólann

Velkomin í leikskólann

Á heimasíðunni er að finna ýmsar upplýsingar um leikskólann svo sem námskrá, ársáætlun, kynningu á starfsfólki og fleira. Undir hlekknum spurt og svarað er að finna hagnýtar upplýsingar, matseðill er birtur eina viku í senn. Hver stofa hefur sitt frétta- og myndasvæði. Almennar fréttir eru birtar undir Forsíða.
Netfang okkar er This e-mail address is being protected from spambots. You need JavaScript enabled to view it.

 

 

Read more

Opnunartími leikskólans

Opnunartími leikskólans

Leikskólinn er opinn frá 7:45 til 17:00.  Við opnum á einni stofu, Birkistofu kl. 7:45 þar eru börnin til kl. 8:00 en þá mæta fleiri kennarar og taka börnin með sér á sínar stofur. Seinni partinn erum við oftast á útisvæðinu þar til 16:15. Þá förum við inn og erum á Víðistofu til lokunar. Haldinn er nákvæmur viðverulisti  skráð er í viðverkerfi Reykjavíkurborgar sem heitir Vala hvenær börnin koma og hvenær þau fara. Þetta er mikið öryggisatriði við eigum alltaf að vita hvaða börn eru i skólanum hverju sinni.

Read more

Leikskólataskan , hvað eiga börnin að hafa með sér í skólann?

Leikskólataskan , hvað eiga börnin að hafa með sér í skólann?

Nauðsynlegt er að börnin hafi föt til skiptanna (buxur, bol, sokka, nærbuxur, sokkabuxur) í boxinu við  hólfum sínum. Auk þess þurfa börnin að hafa pollagalla, stígvél, hlýja ullarpeysu, vettlinga og annan útiverufatnað. Mikilvægt er að foreldrar merki föt barna sinna. Dýrmætur tími getur farið í að velta fyrir sér hver á hvaða flík. Munið því að merkja öll föt vel!  Foreldrar eru beðnir að tæma hólf barna sinna á föstudögum. Í leikskólanum er unnið með ýmis leikefni svo sem málningu og lím og þarf val foreldra á fatnaði barnanna að taka mið af því. Börnin nota svuntur, t.d. við að mála, en oft duga þær ekki alveg. Foreldrum er bent á að þekjulitir eiga að nást úr fötum séu þau þvegin úr köldu vatni.

Read more

Lyfjagjöf á leikskólatíma

Lyfjagjöf á leikskólatíma

Í samráði við trúnaðarlækni hafa verið lagðar ákveðnar línur varðandi lyfjagjöf í leikskóla. Starfsfólk mun gefa lyf þegar um er að ræða t.d. flogaveikilyf eða asmalyf. Lyfin eru geymd í leikskólanum í læstum lyfjaskáp og gilda ákveðnar reglur um merkingar og magn lyfja sem geymd eru í leikskólanum hverju sinni.

Fúkkalyf sem börn taka í stuttan tíma á ekki að þurfa að gefa í leikskólanum. Að sögn trúnaðarlæknis er nóg að gefa slík lyf með hálfu mjólkurglasi að morgni og þegar komið er heim úr leikskóla og fyrir svefn.
 

Read more

Afmæli

Afmæli

Við gerum okkur glaðan dag á afmælisdögum barnanna. Þau fá sérstakan afmælisdist og glas til að borða af yfir daginn. Börnin útbúa kórónur með starfsfólki, sóttur er afmæliskrans til skrauts og sunginn er afmælissöngurinn inni á deild. Barnið kemur ekki með veitingar að heiman heldur býður uppá hressingu frá eldhúsinu. Ef börnin halda afmæli utan leikskólans eru vinsamleg tilmæli að bjóða í þau utan leikskólans.

Börnin vilja oft gleðjast saman og koma með veitingar þegar þau kveðja leiksólann sinn. Æskilegt er að þær veitingar séu í hollari kantinum s.s. ber, ávextir og grænmeti. 

 

Read more